Gero eta gehiago lehenesten da berrikuntza.

2021ean portzentajezko 10 puntu handitu zen (% 75eraino) berrikuntza euren hiru lehentasun garrantzitsuenen artean kokatzen duten enpresen kopurua. Kontuan harturik 2005etik egiten den azterlan honen sail historikoa, urte arteko gorakadarik handiena da hori.

Baina enpresen % 50 inguruk bakarrik inbertitzen dute horretan.

Lehentasunak ongi daude, baina konpromisoa ere behar da.Eta enpresen erdiak baino gutxiagok jartzen ditu benetako baliabideak helburu horiek lortzeko.Enpresa horiei berritzaile konprometituak deitzen diegu.

Antolakunde batek benetako balioa sortuko du, soilik bere berrikuntza-sistema prest badago lehentasuna eta konpromisoa emaitza bihurtzeko.

Berritzaile konprometitu askok aurre egin behar diote prestakuntza ezari.

Aurten inkestan sartu diren hainbat galderari esker posible izan da ebaluatzea zein neurritaraino dauden prestatuta enpresen berrikuntza-sistemak.Enpresa batek 100 puntu lortu behar dituondorioztatu ahal izateko ongi prestatuta dagoela berritzeko, baina berritzaile konprometituen laurden batek bakarrik lortu ditu 80 puntu edo gehiago.Batez besteko enpresa berritzaile konprometituek ez dituzte betetzen berrikuntzako prestakuntzarako kontuan hartzen diren -batzuetan esanguratsuak diren- jardunbide egokiak.Eta, definizioz, batez besteko enpresaren emaitza hori izan bada, berritzaile konprometituen erdiek puntuazio are baxuagoa dute.

Lidergoan eta taldeko lanean zentratzea lagungarri izan liteke prestakuntza arloko arrakala ixteko.

Prestakuntzarako bost elementu garrantzitsuenak bi puntu nagusitan laburbiltzen dira: lidergoa eta taldeko lana.

Lidergoa

Berrikuntzako liderrek emaitzak bultzatzen dituzte zuzendari nagusiak ongi finkatutako agenda argi bat duelako.Hain zuzen, konpainia berritzaileenetan zuzendari nagusia gai da lidergoa bere gain hartzeko, ongi ezagutzen du enpresa barruan gertatzen ari dena, eta berrikuntza lehentasuntzat dauka bere agendan.

Taldeko lana

Halaber, berrikuntzarako prestatzeko beharrezkoa da lankidetza sustatzen duen ingurune bat, zeinetan lotura estua egongo baita produktuak edo/eta zerbitzuak garatzen dituen lantaldearen eta merkataritza arloko zein salmentetako lantaldearen artean. Hain zuzen, inkestatutako exekutiboek aurten aipatu dute horixe dela gainditu beharreko oztopo nagusia berrikuntzan eginiko inbertsioak itzulera handiagoa izan dezan.

bcg.com