Zapatila horiek egiteko material desberdinak konbinatu dira, lodiera eta pisua ahalik eta gehien murrizteko. 3D Runner zapatilak beste batzuk baino malguagoak dira, eta euskarri hobea dute jarduera fisikoen errendimendua hobetzeko. Abuztuan iragarri zuen enpresak zapatila pare hori merkaturatuko zuela, eta pare bana oparitu zizkien atleta jakin batzuei. Horien artean daude Jessica Ennis-Hill heptatleta britainiarra, AllisonSchmitt igerilari estatubatuarra eta Mariana Pajón BMX txirrindulari kolonbiarra.

Produktu honekin Adidasek eroslearekin identifikatuko diren oinetakoak sortu nahi ditu. Hau da, 3D Runner zapatilak kontsumitzailearen nortasunari egokituko zaizkio; Mikal Peveto-k, Adidasseko zuzendari seniorrak esan duenez, ?une honetan industriaren xedea da norbanako baten oin-arrastoan (korri egiteko modua, oinaren forma, errendimendu beharrak eta lehentasun pertsonalak) oinarritutako zapata pertsonalizatuak sortzea, eta Adidasliderra da prozesu horretan, abangoardiako berrikuntzei esker?.

enter.co