Txostenak dioenez, EB atzean geratu da AAren inguruko garapen, ikerketa eta inbertsioan. Hortaz, bere ahaleginak bikoiztu behar ditu, adimen artifiziala funtsezkoa izango baita EBren eraldaketa digitalerako, eta gero eta inpaktu handiagoa izango duelako ekonomian eta eguneroko bizitzan.

EBk ezarriko dituen arau, berme eta erregelamenduek bermatu behar dute AAk sekulako abantailak dakartzala EBko eremu guztietan: trantsizio ekologikoa eta osasuna, industria, kudeaketa publikoa, nekazaritza, laneko produktibitatea, etab.

Txostenak ohartarazi du EBk azkar mugitu behar duela bere baloreetan oinarritutako arau argiak ezartzeko, bestela, arauak beste toki batzuetan sortuko baitira.

Zer proposatzen du adimen artifizialari buruzko txostenak?

Araudi-esparru abantailatsu bat, legeria dinamikoa eta gobernantza modernoa barne hartzen dituena, zeren Estatuen eta EBren indarreko legeriak zatikatuta baitaude, eta gainera, motelak dira eta ez dute segurtasun juridikorik ematen.Berrikuntza bultzatzeko eta araudi-karga saihesteko, AAren arrisku handiko aplikazioei bakarrik ezarri beharko litzaieke araudi zorrotz bat.

EBri dagokio AA arloko gaitasunak barneratzen laguntzea, pertsonek bizitzarako eta lanerako behar dituzten gaitasunak izan ditzaten.Txostenak dioenez, hori lagungarri izango da orobat teknologiarekiko konfiantza sortzeko, berrikuntza sustatzeko eta, EBko bikaintasun zentroak eta adituak babestuz, garunen ihesa saihesteko.

Orobatheldu behar zaie AAri lotutako alderdi militarrei eta segurtasun kontuei.Txostenaren arabera, EBk bere bazkideekin kooperatu behar du nazioartean, pertsonengan eta EBko baloreetan oinarritutako ikuspegi bat sustatzeko.

europarl.europa.eu