Adimen artifiziala erabat bilakatu da azken urteotan, eta teknologia ospetsuenetakoa da gaur egun. Aurrerapausoa da giza adimena imitatzeko daukaten gaitasunean makinek lortzen dituzten trebetasunei dagokienez.

Pertsonen antzera, adimen artifizialari (AA) esker, makinek badute ikasterik, arrazoitzerik, ulertzerik eta hobetzen jarraitzerik, ezin konta ahala iturritatik biltzen duen informazioan oinarrituta. Era bateko eta besteko trebetasun horiek hainbat aukera eskaintzen ari dira arlo profesionalean nahiz enpresen arloan.

Zenbait ezarpen dituenez, AA negozioen munduan areagotzen ari den errealitatea da. 2023. urte honetan ONTSIk argitaratutako “Adimen artifizialaren eta big dataren erabilera Espainiako enpresetan”azterlanean adierazten denez, 10 langile baino gehiago dituzten enpresen %11,8k adimen artifiziala darabilte gaur egun.

Azterlan beraren arabera, 10 langile baino gutxiago dituzten enpresen %4,6k adimen artifiziala darabilte euren egunez egunekoan, eta, sektoreka bereiziz gero, informazioaren zein komunikazioen arloa (%41,9) eta IKT (%41,3)liderrak dira teknologia horren erabileran.

Ondorio praktikoetarako, adimen artifiziala ezartzen denean, enpresek badute euren errendimendua eta produktibitatea hobetzerik, makinak arazoak konpontzeko eta kudeaketak modu autonomoan egiteko daukan gaitasunari esker.

ONTSI.ES