Ekoplaza supermerkatu ekologikoen sareak urrats bat gehiago eman du, eta martxoaren 27an plastikorik gabeko lehen supermerkatua inauguratu zuen Amsterdamen.

Pop-up estiloko supermerkatu holandar berri horrek bakarrik eskaintzen ditu solteko produktuak edo kartoi edo paperean edo ziurtagiri ekologikodun beste alternatiba batzuetan bildutakoak.

Ekoplaza kateak 74 establezimendu ditu Holandan, eta arduradunek diotenez, Amsterdameko LAB proiektuak lehen urratsa izan nahi du plastikorik gabeko denden kontzeptuaren zabalkundean.Baliteke horrelako bigarren establezimendua datorren udan zabaltzea Haga hirian, eta epe ertainean, katearen asmoa da bere supermerkatu guztietan gutxienez korridore bat izatea plastikorik gabeko produktuak eskaintzeko.

Ekoplaza katearen ekimena babesten dute plastikoaren kutsaduraren aurkako irabazi asmorik gabeko hainbat erakundek, adibidez, Britainia Handiko “A Plastic Planet” erakundeak.

lavozdelamadretierra.com