Ford enpresak bere taxi autonomoen zerbitzua inauguratzen duenean 2021ean, gerta liteke autoek desbideratze alternatiboak proposatzea denda babesleen aurretik pasatzeko edo bidaiaria autoan eserita joatea entregatu beharreko pakete mordo baten ondoan. Fabrikatzaileak ekitaldi korporatibo batean baieztatu zuenez, estrategia horixe erabiliko dute bere etorkizuneko zerbitzuko bidaien kostua gaur egungo bidaia partekatuenen erdia izan dadin. Hala, prezioa merkatu egingo litzateke ibilgailuak gau eta egun erabiliz eta iragarki interaktiboak txertatuz.

Enpresak argi utzi nahi du ez dagoela hain urrun Waymo-rengandik (Google) -zeinak iragarri baitzuen taxi autonomo komertzialaren zerbitzua abiaraziko zuela 2018a amaitu baino lehen-, ez eta GMrengandik -zeinak iragarri baitu aurten gauza bera egiteko asmoa duela.

Ekitaldian hauxe esan zuen Sherif Marakby-k, Ford Autonomous Vehicles (FAV) enpresako zuzendari nagusiak (FAV Ford erraldoitik eratorritako enpresa bat da, teknologia autonomoak, ibilgailuak eta zerbitzuak egiten dituena): “Nahi izanez gero, oraintxe bertan gai gara 100 ibilgailu errepidera atera eta negozioa abian jartzeko. Baina automozio konpainia bat gara eta eskalako merkaturatze batez ari garenean, esan nahi dugu milaka ibilgailu sortu nahi ditugula modu errentagarrian. Gure ikuspegiak ez du zerikusirik beste batzuenarekin”.

technologyreview.es