Teknologiaren eta autonomiaren arloko berrikuntzak

Ibilgailu elektrikoen merkatua nabari hazi da azken urteotan, baterietan, motorretan eta gidatzeko sistemetan lortutako aurrerakuntzak auto elektrikoa gidatzea zer den zehazten ari direlako berriro. Berrikuntza horiek, hain zuzen ere, gidarientzako autonomia, eraginkortasun eta erosotasun handiagoak agintzen dituzte.

• Egoera solidoko bateriak: egoera solidoko bateriek segurtasun handiagoa, dentsitate energetiko handiagoa eta karga azkarragoak agintzen dituztenez, ibilbideak luzeagoak izango dira, eta itxaron-aldia laburtuko da.
• Modu autonomoan gidatzea: 3. eta 4. mailako autonomiari esker, autoek erabaki konplexuak hartuko dituzte, trafikoa optimizatuko dute eta segurtasuna handiagotu dute etengabeko giza jarduketarik gabe.
• Karga ultralasterra: 1 MW-tik gorako kargaguneek kargatzeko epealdiak laburtuko dituztenez, eskaintzen duten esperientzia elektrikoa ohiko ibilgailuen esperientziaren antzekoa izango da.
• Baterien trukea: kargarik gabe dagoen bateriaren ordez minututan kargatutako bateria jartzea funtsezkoa izango da flotentzat eta hiriko erabiltzaileentzat, eta, horrez gain, ez da kargaguneetan itxaron beharko.
• Gurpiletako motorrak: motorrak gurpiletan integratuta egongo direnez, espazioa optimizatuko dute, osagai mekanikoak murriztuko dira, maniobragarritasuna hobetuko dute eta, horrela, eraginkortasun energetikoa sustatuko da.

Konektibotasunaren eta jasangarritasunaren arloko berrikuntzak

Konektibotasunak, adimen artifizialak eta material jasangarriek ibilgailuaren barrualdea eta ibilgailuak bere ingurunearekin duen elkarreragina eraldatuko dituzte. Berrikuntza horiek ingurumenarekin arduratsuagoa den mugikortasun seguruagoa bultzatuko dute.

• Birziklatutako barrualdeak: material birziklatuek eta biodegradagarriek barrualdeak eraldatuko dituztenez, aztarna ekologikoa murriztuko da erosotasunik eta funtzionaltasunik galdu gabe.
• 5G konektibotasuna: ibilgailuak eta azpiegitura unean bertan komunikatuko direnez, urrunetik eguneratuko dira, laguntza aurreratua emango diete gidariei da eta zerbitzu pertsonalizatuak eskainiko dituzte.
• V2H eta V2L funtzionalitateak: autoek etxeak eta kanpoko gailuak elikatu ahal izango dituzte, energia berriztagarria kudeatuko dutelako eta eten elektrikoetan emango dutelako babesa.
• Haizetakoko errealitate areagotua: HUD izenpean, sistema honek nabigazioari, abiadurari eta alertei buruzko datuak haizetakoan bertan zuzenean proiektatuko dituenez, oharkabetasunak murriztuko dira, eta segurtasuna hobetuko da.
• Adimen artifiziala: AAko sistemek gidatzea pertsonalizatuko dute, energia optimizatuko dute, mantentzeko premiei hartuko diete aurrea eta gidarien ohituretara egokituko dira.

movilidadelectrica.com