Zientzialariek aspalditik diote litiozko metalezko bateriak teknologia ezin hobea direla energia biltegiratzeko, eta taula periodikoko metal arinena aprobetxatzen dute energiaz betetako gelaxkak ekoizteko.

Baina, hainbat hamarkadatan zehar, nahiz eta ikertzaileak eta enpresak etengabe saiatu diren sute arrisku txikiko bertsio eskuragarri eta kargagarriak ekoizten, porrot egin dute saiakera guztietan.

Urte honen hasieran, QuantumScape-ekoCEOak, JagdeepSingh-ek, TheMobilist-en elkarrizketa batean baieztatu zuen finantzaketa handia bildu duen SiliconValleyko enpresa diskretu honek konpondu dituela funtsezko erronka teknikoak. Gaineratu zuenVolkswagen-ek 2025ean txertatu nahi dituela bateriak bere auto eta kamioietan, asmoa delarik auto elektrikoen kostua murriztea eta autonomia handitzea.

Bere teknologia egoera partzialki solidoko bateria batean oinarritzen da, eta horrek esan nahi du elektrolito solido bat erabiltzen duela elektrolito likidoaren ordez, zeinaren mende baitaude bateria gehienak.

Ikertzaile eta enpresa ugari ari dira egoera solidoko teknologia aztertzen baterien hainbat substantzia kimikotarako, ikuspegi horren bidez segurtasuna eta energia-dentsitatea handitzen delako, nahiz eta zaila izan den bertsio praktiko bat garatzea.

San Josén (Kalifornia, AEB) egoitza duen QuantumScape enpresakbaterien xehetasun batzuk ezkutatu ditu, bere funtzionamendurako erabiltzen dituen material eta prozesu gako batzuk barne.Bien bitartean, zenbait adituk eszeptikoak izaten jarraitzen dute, ez baitute usteposible denik datozen bost urteetan litiozko metalezko bateriak txertatzeaibilgailu komertzialetan, ez dutelako sinesten enpresak gainditu dituenik horrek berekin dakartzan oztopo tekniko konplexuak.

technologyreview.es