Paulo Pereira da Silvak dio oraindik urrun dagoela komuneko eta oro har etxeko papera desagertuko den eguna. 56 urteko lisboarra komunetako Elon Musk moduko bat bihurtu da, bere buruagan duen konfiantzagatik, zelulosaren industriatik kanpo jaso duen prestakuntzagatik (Ingeniari Fisikoa da ikasketaz) eta erakusten duen ausardiagatik, I+G+B-ren printzipioak aplikatu baititu askok zabartzat jotzen duten eguneroko produktu batean. Silicon Valley-ko handikiek amets egiten dute gidaririk gabeko autoekin eta beste inork baino lehen Martera hegan egitearekin; Paulo Pereira da Silvak, berriz, mundua eraldatu nahi du biribilkiekin, musuzapiekin, mukizapiekin eta erabili eta botatzen ditugun oinarrizko beste produktu batzuekin.

Renova enpresak 2006an merkaturatu zuen lehenengo komuneko paper beltza
?Lehendik ere bazegoen pastel koloreko papera, baina ez zuen sortzen inolako interesik. Paper beltzarekin ordea, jendeak iritzi bat sortu zuen biribilkiari buruz, harreman emozionala sortu zuen paper berri horrekin. Positiboa edo negatiboa, baina inor ez zen hotz gelditu? azaldu du. Eta gaineratu du: ?Lehen, barruko arropa guztia zuria izaten zen, eta hori aldatu egin zen gero. Zergatik izango da desberdina paperarekin? Gustatzen zait hankaz gora jartzea oinarri arrazionalik eduki ez arren denok onartzen ditugun gauzak?.

elmundo.es