EBko herrialdeak lau taldetan sailkatzen dira beren adierazleen arabera: liderrak berrikuntzan, berritzaile handiak, berritzaile ertainak eta berritzaile txikiak. 2019an, Suedia da EBko berrikuntzako liderra, atzetik jarraitzen diotelarik Danimarkak, Finlandiak eta Herbehereek. Erresuma Batuak eta Luxenburgok behera egin dute, berrikuntzako lider izatetik berritzaile handien taldera sartu direlarik, eta Estonia lehenengoz sartu da berritzaile handien taldean.

EBko berrikuntzako emaitzak %8,8 hobetu dira batez beste 2011tik. Harrezkero, berrikuntzako emaitzek hobera egin dute EBko hogeita bost herrialdetan. Emaitza onenak izan dituzte Lituaniak, Greziak, Maltak, Erresuma Batuak, Estoniak eta Herbehereek, eta txarrenak, aldiz, Errumaniak eta Esloveniak.

Mundu mailan, EB AEBen aurretik geratu da. Bestalde, EBk Brasil, India, Errusia eta Hegoafrikak baino askoz emaitza hobeak izaten jarraitzen du. Baina Txina ziztu bizian doa aurrera eta EB baino hiru aldiz azkarrago hazi da berrikuntza arloan. Aipatzekoa da baita ere EB Japonia eta Hego Korearen atzetik geratu dela.