Fusio nuklearra energia garbi eta berriztagarriaren “Grial Santu” gisa saldu izan zaigu maiz, eta batzuetan isekatua izan bada ere inoiz gorpuzten ez den promesa eternoa delako, adituek espero dute egunen bateanenergia iturri agorrezina izango dela,fisioak ez bezalahondakin toxikorik uzten ez duena.

Financial Times egunkariak aurreratu duenez, LawrenceLivermore Laborategi Nazionalak lehen aldiz lortu du energia-irabazi garbi bat fusio bidezko erreakzio batean. Horrek esan nahi du erreaktoreak operazioa gauzatzeko behar izan duena baino energia gehiago lortu duela.

Hortaz, froga zientifiko garrantzitsua litzateke, erakutsiko bailuke posible dela horrelako energia sortzea prozesurako behar dena baino gehiago gastatu gabe.Halere, oraindik bide luzea geratzen da hori eskala handira eraman eta erabiltzaileari helarazteko.Fusioak ez dizkigu konponduko Ukrainiako inbasioak sortu dizkigun presazko arazoak, eta oraindik ez da etxeetara iritsiko.Halaber, ez du planeta libratuko aro industrialean metatutakonegutegi efektuko gasetatik.Baina lorpen bat da etorkizuneko konponbide baterantz aurrera egiteko, zeinari esker posible bailitzateke krisi energetikoa eta fosilekiko menpekotasuna gainditzea.

Adituen iritziz, gutxienez hamarkada bat falta da oraindik, ziurrenik bat baino gehiago, fusio bidezko energia garbi eta agorrezin berriaren promesa eguneroko errealitate bihurtzeko.Halere, baliteke iragarpen honen ondorioz teknologia honen aldeko inbertsio eta apustuak biderkatzea, Ukrainiaren inbasioak eragindako krisiaren ondorioz 2022an biderkatu ziren bezalaxe.

elmundo.es