Dartmouth College-ko ikerketa berri baten arabera, bihotzaren mugimendua hain da indartsua, ezen bihotzak berak birkarga baititzake gure bizitzak salbatzen dituzten dispositiboak. Txanpon baten tamainako gailu bat nahikoa da bihotzaren energia zinetikoa elektrizitate bihurtzeko eta energia horrekin mota desberdinetako dispositiboak elikatzeko, hala nola, taupada-markagailuak edo desfibriladoreak.

Taupada-markagailua bulkadak sortzen dituen aparatu elektroniko bat da. Bihotzeko arazoak dituzten pertsonen organismoan inplantatzean, bihotzaren jarduera elektronikoa moteltzen du eta bulkada elektronikoak eragin ditzake.

Desfibriladore kardiobertsore ezargarriak (ICD) bihotz-taupada anormalak detektatzen ditu eta shock elektriko bat bidaltzen dio bihotzari erritmoa normalizatzeko. Takikardiagatik edo bentrikuluko fibrilazioagatik bat-batean hiltzeko arriskuan egon diren edo bihotz-erritmo arriskutsuak izan dituzten pertsonei ezartzen zaie gorputz barruan.

Milioika lagun bizi dira taupada-markagailuei, desfibriladoreei eta ezarritako beste dispositibo batzuei esker, baina gailu horiek bateriekin funtzionatzen dute eta aldatu egin behar izaten dira bost edo hamar urterik behin. Bateriak aldatzeko ezinbestekoa da ebakuntzak egitea, eta ebakuntzak garestiak dira eta konplikazioak edo infekzioak eragin ditzakete.

tendencias21.net