Bizkaiko diagnostiko honeklurraldeko lehiakortasuna eta bertan bizi direnen ongizatea ditu aztergai. Tresna adimenduna da, eta lurraldeko etorkizunerako estrategia bultzatzen du gaur egungo testuinguru ekonomiko globalean ziurgabetasunak nagusi direla kontuan hartuta. Diagnostikoak, hain zuzen ere, Orkestrak ongizatearen zerbitzura garatutako lehiakortasunaren esparrua ezartzen du, lurraldeko ongizatearen, ekonomiaren zein enpresen inguruko emaitzetan sakontzeko. Horretarako, sakon aztertzen ditu gobernuek, enpresek eta beste eragile batzuek erabili ditzaketen palankak emaitza horietan eragina edukitzeko, Bizkaiko egiturazko testuinguru partikularra kontuan hartuta.

2021ean egindako lehenengo diagnostikoaren aldean, oraingoan azterketan ez da gaur egungo erradiografia bakarrik eskaintzen, bilakaerari buruzko azterketa ere egiten delako bertan, COVID-19aren krisiaren eta beste alderdi batzuen eraginak ulertzeko; esate baterako, energiaren prezioen gorakadak Bizkaiko lehiakortasunean eta ongizatean izandakoa. Hartara, honako galdera hauei erantzuten die diagnostikoak:

• Zein izan da 2020ko krisiak eta maila globalean gertatutako beste ziurgabetasun-elementu batzuek Bizkaiko lehiakortasunean eta ongizatean izan duten eragina?
• Nolakoa izan da lurraldeko susperraldia epe laburrari begira?
• Zer erronkatan lan egiten jarraitu beharra dago epe ertain eta luzeari begira?

orkestra.deusto.es