Gaur egun, ezin dugu imajinatu gure bizitza smartphonik gabe, baina Nokia 3310 berrituak gogora ekarri digu ez dela denbora asko igaro sakelako konbentzionalak -SMSak bidaltzeko eta deitzeko bakarrik balio zutenak- geneuzkanetik. 17 urte, zehatz-mehatz.

Eta bada beste teknologia bat, 10 urte daramatzana garatzen, astiro baina tinko. Gaur egun, sektore desberdinetako antolakunde askok erabiltzen dute teknologia hori salerosketak edo ondasun eta zerbitzuen esku-aldaketak erregistratzeko modu garden eta deszentralizatu batean, hirugarrenen parte-hartzerik gabe. Blockchain edo bloke-kateaz ari gara.

Publiko handiarentzat ezezaguna da blockchain sistema, baina adituek diote Internetek komunikazioen munduan eragin dituenak bezain aldaketa handiak ekarriko dituela. Teknologia hori batez ere lotzen dugu finantza arloko erabilerarekin, eta gehienbat bitcoin txanponarekin, baina bloke-katea berdin erabil daiteke ia edozer dokumentatzeko eta erregistratzeko.
Bloke-katearen erabilpena zabaltzen denean, orain ordubete inguru behar duten nazioarteko diru-transferentziak ez zaizkigu Erdi-arokoak irudituko eta ez dugu jakingo kontratuak sinatzen edo ondasunak erosten blockchain gabe. Dena den, teknologia guztiekin gertatzen den bezala, zaila da pronostikoak egitea eta txostenak ez datoz bat aldaketa horiek noiz gerta litezkeen zehaztean.

ticbeat.com