Teknologia horrek hainbat aplikazio izan ditzake enpresaren prozesuetan, besteak beste, erabilpenaren bitartez ikasten duen software batekin hornitutako kamera bat erabiltzea, zeina gai izango baita denbora errealeko irudiak eta gordeta dauzkan beste batzuk alderatzeko eta balizko desbideratzeak detektatzeko. Hori baliagarri da, adibidez, langileek ez dezaten egiaztatzen ibili behar segurtasun triangelua ondo kokatuta dagoela ibilgailuen maletategian.

Gainera, automobil enpresak erabaki du AArekin lotutako hainbat algoritmo askatuko dituela plataforma ireki baten bidez. Algoritmo horiek batik bat zerikusia dute irudien errekonozimendu automatizatuarekin eta etiketatzearekin.

BMWk azaldu duenez, kode horiek publiko eginda mundu osoko software garatzaileek aukera izango dute algoritmoak eskuratu, aldatu, erabili eta hobetzeko. Hala, erabaki hori onuragarri izango da bai software garatzaileentzat eta baita ere konpainiarentzat.

levante-emv.com