Horren erakusgarri da osasun sektoreak egin duen ahalegina beste industria batzuk imitatzeko eta pazienteari erabiltzaile-esperientzia onena eman ahal izateko. Norabide-aldaketa garrantzitsua da, erdigunean jartzen baitu pertsonen zaintzan eskain daitekeen balio erantsia.

Errealitate berri horrek eboluzionatzera behartu ditu osasun zerbitzuen hornitzaileak eta aseguru konpainiak, hala sisteman oinarritutako eredua atzean utzi eta ezinbestean igaro beharko dute pazientea erdigunean jartzen duen eredura.

Hala, datozen hilabeteetako helburu nagusia da eraldaketa digitala azkartzea sektorearen barruan.

Eszenatoki horretan izugarri ugaritu dira chatbot-ak, hau da, gizakiekin elkarrizketa bat izateko gai diren adimen artifizialeko programak. Kalkulatzen da 2023. urtean chatbot horiekin egingo diren komunikazioen %10 osasungintzaren testuingurukoak izango direla. Horrek esan nahi du erabilpena %167 haziko dela urtez urte.

Horrelako programen arrakastaren arrazoi nagusia da gizakiak erosoago mintzatzen direla osasun gaiez adimen artifizialeko laguntzaile batekin. Horregatik, laster ezinbesteko osagaia izango dira erabiltzaileen esperientziarako estrategietan.

gacetamedica.com