Europako NextGeneration funtsak bultzada bat ematen ari zaizkio Espainiako berrikuntzari, zeina oso baxua izan baita beti Europako beste herrialde batzuekin konparatuta.

Cotec fundazioaren arabera, inbertsioaren gorakada horren atzean Europako funtsak daude, zeintzuek 3.855 milioi euro txertatu baitzituzten 2021ean gauzatutako aurrekontu publikoan. Zifra hori Estatuko aurrekontuari gehitzen badiogu, ondorioztatzen da gauzatutako inbertsio publikoa 7.565 milioikoa izan zela, eta hori errekor historikoa da.Ikusteko dago oraindik enpresetako inbertsioaren bilakaera, normalean horra bideratzen baita berrikuntzarako diruaren erdia baino gehiago.Kopuru hori azaroaren amaiera aldera jakinaraziko da, Estatistika Institutu Nazionalak emango duen hurrengo datu multzoaren barruan.

2021ean hazkunde nabarmena izan bazuen ere, I+G-ko inbertsioak eskasa izaten jarraitzen du.BPGarekin alderatuz gero, ozta-ozta iristen da guztizkoaren % 1,4ra; hala, urrun dagoIkerketa Zientifiko, Tekniko eta Berrikuntzarako Estatu Planean ezarritako % 2ko helburutik, bai eta Europar Batasuneko herrialdeen % 2,3ko batez bestekotik.

I+G-ko inbertsioaren defizit kronikoak baditu hainbat arrazoi: estrategia publiko-pribaturik eza, turismoak Espainiako ekonomian duen pisua eta aurrekontua gauzatzeko zailtasunak, sektoreko adituek aspalditik salatu izan dituztenak, esaterako, burokrazia astuna eta enpresa-laguntzak eskuratzeko prozesu motelak.

Halere, datuek erakutsi dute gauzatze-maila handitu egin dela.Eta Covid-ak eragindako krisiaren ostean, Gobernuak indartu egin duela berrikuntzaren aldeko apustua.Datorren urterako aurkeztu diren aurrekontuetan I+G+B-ko gastua handitu egin da berriro, eta 16.328 milioi euroan kokatuko da (2022an baino % 23 gehiago).

cotec.es