IMDEA Networks Institutuak Europako Prestakuntza Sare berri bat jarri du martxan hil honetan Madrilen, Marie Skłodowska-Curie ekintza batek finantzaturik. Sare horrek diziplina berri baten sorrera markatuko du: Gauzen Interneteko (IoT) sistemak, kontsumo baxuko argi ikusgarri bidezko komunikazioa ahalbidetzen dutenak. Diziplina hori VLC eta sareko sistema integratuen (tradizionalki irrati bidezko komunikazio-teknologien eragin-eremuan egon direnak) artean kokatzen da. ENLIGHT’EM* ekimenak berritzaileen belaunaldi berri bat erreklutatu eta prestatuko du, eta behar dituzten ezagutza teknikoak emango dizkie IoT teknologiaren garapena eta benetako inplementazioa gidatu dezaten mundu errealean, hori baita 5G teknologiaren oraina eta etorkizuna.

Sareko argi adimendunak diseinatu behar dira VLC argiztapen-inguruneetan eta IoT sistemetan integratzeko. Horretarako, derrigorrez garatu behar dira teknologia berriak, komunikaziorako algoritmo eta teknika berritzaileak eta sareak. Egoera solidoko argiztapenaren, sareko VLCren eta etengabe hazten ari den IoT teknologiaren arteko konbergentziak profesional berriak eskatuko ditu, goi-mailako gaitasuna dutenak VLCen eta sareko sistema integratuen arteko bidegurutzean sortuko den diziplina berri horretarako, eta profesional horiek bultzatuko dute LEDek argi ikusgarri bidezko IoT sistema bezala izan dezaketen merkatuko potentzial handia.

madridmasde.org