Erle populazioa desagertzen ari da munduko toki askotan. Oraindik ez dakigu zehazki zein den erleak mehatxatzen dituen arrazoia, baina ikusirik arazoa badela, zenbait aditu ikertzen hasi dira jakiteko dronek erleen polinizazio-lanak egin ditzaketen ala ez.

Japonian egin dute azken ahalegina, non Tsukubako (Japonia) Zientzia Industrial Aurreratuen Institutu Nazionalak saiakera egin baitu likido ionikoentzako aplikazioak bilatzeko, substantzia itsaskor horiek ezohiko propietate fisikoak dituztelako.

Polinizatzailea garatzeko, lantaldeak hainbat dron erosi zituen 100 euro baino gutxiagoan Amazon plataforman, eta zaldi-ilezko partxeak erantsi zizkieten azpialdeetan. Aipatu likidoarekin igurtzi ondoren, partxe horiek hezetu egiten dira, eta post-it baten antzeko itsaskortasuna hartzen dute. Hala, dronak prest zeuden polen aleak bildu eta askatzeko.

Ikerlariek airean jarri zituzten dronak, harik eta Japoniako lili arrosa eta zurien organo maskulino eta femeninoekin talka egin zuten arte. Eijiro Miyako proiektuko liderraren esanetan, lehen aldia da dron batek lore bat polinizatzen duena.

technologyreview.es