Asiak Mendebaldearekin dituen desberdintasunak nabarmenak dira. Ekitaldian bertan aurkeztu den CTAk eginiko inkestak aurrerapen bat eman du: "Txinan lehiatu nahi duten markek jakin behar dute sare sozialak integralak direla hiritarren bizitzan, zuzeneko erretransmisioak gero eta maizago egiten direla eta kontsumitzaileek online erosten dutela ia dena".
Hala, erabiltzailearen eguneroko bizitzako alderdi ia guztietarako konponbide teknologikoak agertu dira, eta ez da harritzekoa. Dena den, automozioa izan da protagonista nagusia, zalantzarik gabe.

Futurus Technology enpresak, adibidez, ibilgailuentzako errealitate handituko lehen pantaila aurkeztu du. Dispositibo horrek ia edozein gauza proiektatu dezake haizetakoaren gainean eta koloretan: mapak, informazio meteorologikoa edo ibilgailuari buruzko informazioa ere bai. Sortzaileek diotenez, sistema honek beste edozeinek baino 100 aldiz handiagoak diren irudiak proiektatzen ditu.

Honda enpresak, berriz, bere azken prototipoetako bat eraman du Shangaiko azokara: NeuV auto elektriko eta autonomoa. Ekitaldian orobat aurkeztu da Riding Assist, motorzaleei ibilgailuaren oreka eta kontrola mantentzen laguntzen dien dispositiboa. Alpinestars enpresak konponbide bat diseinatu du bi gurpil gaineko gidarientzat. Instalaziorik behar ez duen airbag bat da, zeina jaka batean integratuta baitago, lehen begiradan jaka arrunt bat dirudiena, baina sentsorez josita dagoena.

elmundo.es