Hidrogenoa baliotsua da parte batera bere moldakortasunagatik.Erre egin daiteke, ikatza, petrolioa eta gas naturala bezalako erregai fosilak ordezkatzeko.Erregai horiek guztiek karbono dioxidoa ekoizten dute erretzean, baina turbina batean hidrogeno purua erretzen denean ur-lurruna besterik ez da sortzen.Halere, nitrogeno oxido kaltegarriak ere katalizatzen ditu, tenperatura altuak behar direlako hidrogenoa erretzeko.Hidrogenoa erregai-zeluletan ere

Hidrogenoa erregai erakargarria da.Hidrogeno kilogramo batek diesel edo gasolina kantitate konparagarri berak baino hiru aldiz dentsitate energetiko handiagoa du.Horregatik, hidrogenoa modu garbi eta ekonomikoan ekoizten bada, gakoa izan liteke hainbat sektore estrategiko konplexu garbitzeko.

Gaur egun, fabrikatzen den hidrogenoaren zati handiena gas naturala eta tenperatura handiko lurruna konbinatuz lortzen da.Prozesu horretan energia asko kontsumitzen da eta karbono dioxido kopuru handiak askatzen dira (CO2 berotegi efektuko gasa da, klima aldaketan eragin handiena duena).Baina gero eta portzentaje handiagoa lortzen da beste metodo baten bitartez, alegia, ura bere oinarrizko elementuetan zatituta eta elektrizitatea erabiliz. Prozesu horri elektrolisia deitzen zaio.

Horretarako ere energia asko behar da, baina elektrizitate hori iturri berriztagarrietatik lortzen bada (energia eolikoa edo eguzki energia adibidez), asko murrizten da isurketa kaltegarrien ekoizpena.Hidrogeno “berde” hori ekoiztea gas naturaletik eratorritakoa baino hiru aldiz garestiagoa da; gas naturalaren elementu nagusia metanoa da, eta metanoaren molekulek karbonozko atomo bat eta hidrogenozko lau dituzte.

Halere, egun duen prezioa duela 10 urte zuenaren erdia da.Eta baliteke askoz gehiago merkatzea, baldin eta energia eolikoaren eta eguzki energiaren kostuak jaisten jarraitzen badu eta eskalako ekonomiak aktibatzen badira hidrogeno berdea ekoizteko.Hori gertatzen bada, hidrogeno berdea erregai estrategiko bihurtu liteke etorkizun deskarbonizatu baterako.Horrekin batera, karbonoa atzemateko teknikak hobetu ahala, posible izan liteke hidrogenoa ekoiztea gas naturaletik abiatuta baina atmosferara hainbeste karbono dioxido isuri gabe.