Gidaritzaren etorkizuna auto konektatu eta autonomoena da. Egunero sortzen dira proiektu berriak, gobernuek eta enpresa teknologiko handiek diru kopuru izugarriak bideratzen dituzte ikerketara, eta garraioaren sektoreko guruek uste dute proiektu horiek funtsezko elementua direla mugikortasuna eraldatzeko. Trafiko Zuzendaritza Nagusiak uste du ibilgailuen %15 autonomoak izango direla 2030erako.

Baina garraio sektorea benetan iraultzeko, ez da nahikoa ibilgailuak berritzea. Autoak errepideen mende daudenez, errepideak berak paper estrategikoa izan dezake mugikortasunean, autonomoa izan ala ez. Horixe ondorioztatu du Erresuma Batuak, errepideak hobetzeko eta erronka teknologikoei egokitzeko bosturteko lehen planaren erdian dagoen honetan. Road Investment Strategy izeneko ibilbide-orri bat da, zeinaren helburua baita sostengarritasuna, eraginkortasuna eta bideen segurtasuna hobetzea, eta 13.000 milioi euro bideratu ditu helburu hori lortzeko.

technologyreview.es