Ganaduari jartzen zaion txip bat, non dagoen jakiteko eta bizi-konstanteak monitorizatzeko, eta horrela, arazoak saihesteko ?adibidez ahoeria. Tuberkulosia urrunetik eta 20 segundotan diagnostikatzeko kit bat, horretarako erabiliz kostu baxuko mikroskopio bat eta web bidezko errekonozimendu-software bat. Olatu motor bat, gai dena hausten diren olatuen indarra etengabeko mugimendu bihurtzeko eta, bide horretatik, airea, ura eta argindarra hornitzeko. Kameradun nano-satelite bat, informazioa eskuratzeko eta zerbitzu komertzialak emateko nekazaritza- eta abeltzantza-industriarentzat, gas eta petrolio industriarentzat eta azpiegituretarako industriarentzat. Etxeetan energia-eraginkortasuna lortzeko plataforma teknologiko bat.

Horra Latinoamerikan berriki sortu diren berrikuntza eta ekimen teknologiko batzuk, denak ere proiekzio globala dutenak eta arazo sozialak edo produkzio arlokoak konpontzeko balio dutenak. Kasu horiek ezaugarri komun bat dute, garapenaren fase batean edo gehiagotan jaso baitute berrikuntza eta ekintzailetza sustatzeko agentzia publikoen finantzaketa.

Agentzia horiek identifikatu, finantzatu eta bultzatu egiten dituzte fase goiztiarretan dauden proiektu eta ekimen berritzaileak, hau da, ziurgabetasunez beterik egoteagatik inoren babesik ez dutenak. Izan ere, mundu mailako aurrerapen teknologiko eta berrikuntza asko ez dira erdietsi inbertsio pribatuen bidez, baizik eta sektore publikoaren finantza-laguntzen bitartez. Mariana Mazzucato-ren El Estado Emprendedor liburuan adibide zehatzak aurkituko ditugu, eta baita ere Estatuak berrikuntza bultzatzean duen paperaren azterketa bat.

Latinoamerikako Berrikuntza eta Ekintzailetza Agentziek 2.000 milioi dolarretik gora inbertitzen dituzte urtero berrikuntza proiektuetan. Eta, agentzia garrantzitsuak badira ere, ez dago euren arteko azterketa konparatiborik, ez eta ikaskuntza kolektiborako espazio formal eta espezializaturik. Amerika arteko Garapenerako Bankuak (BID) laster argitaratuko du gai honi buruzko azterlan bat, non bost hobekuntza-bide nagusi proposatzen baititu.

elpais.com