Madrileko Carlos III Unibertsitateko eta Bartzelonako Unibertsitate Autonomoko azterlan batek ondorioztatu du finantza-analistak lagungarri izan daitezkeela enpresetako I+G-ko inbertsioen eraginkortasuna hobetzeko.

Madrileko Carlos III Unibertsitateko (UC3M) ikertzaileek Bartzelonako Unibertsitate Autonomoarekin (UAB) batera eginiko azterlan batean ikertu dute zein paper jokatzen duten finantza-analistek enpresetako berrikuntzaren finantzaketari buruzko erabakietan. Azterlan horrek ondorioztatu du finantza-analistek enpresei lagun diezaieketela eraginkortasun handiagoz inbertitzen berrikuntza arloan eta, horrela, kalitate handiagoko patente gehiago produzitzen.

Finantza-analisten funtzioa da merkatuak informatzea enpresen jarduerei buruz, dela txostenak idatziz, dela enpresen etorkizuneko irabaziei buruzko aurreikuspenak eginaz.

Txosten horiek enpresen jarduerei buruzko datuak ematen dituzte eta, beraz, kudeatzaileen eta publikoaren arteko informazio-asimetriak murrizten dituzte. Nola informazio gehiago ematen dieten merkatuei, gutxitu egiten dira inbertsioei buruzko okerreko erabakiak hartzeko arriskuak, eta enpresariek berrikuntza proiektu aproposagoak bultzatu ditzakete.

agenciasinc.es