NTT DATA aholkularitzak 4.0 Industriaren Behatokiarekin eta Club Excelencia en Gestión eta CEL Logística erakundeen laguntzarekin prestatutako txosten honek berriro berretsi du digitalizazioak hazkunde esponentziala izan duela industria sektorean txostena lehen aldiz egin zenetik. Bestalde, eraldaketa digitaleko planetan eginiko inbertsioak ere apur bat hazi dira, industriak halako planen beharraz kontzientziatzen hasi direlako, besteak beste osagaien krisia dela medio. COVID-19aren inpaktua oraindik nabarmena da enpresetan, zeintzuek hornikuntza-kate azkar eta malgua behar baitute, eta autonomia teknologiko handiagoa.Gainera, orain enpresen helburu nagusia da ekonomikoki suspertzea.

Bestalde, langileek berrikuntzarekiko eta aldaketarekiko erakusten duten erresistentzia da enpresen eraldaketa digitalerako oztopo nagusia, baina langileen prestakuntza ezaren faktorea ere nabarmen hazi da eta enpresen kezka nagusietako bat bihurtu da.

Aitzitik, gero eta enpresa gehiago ari dira ezartzen 4.0 Industriako ezagutzei buruzko langileen gaitasun-matrizea, eta plantillako langileen arteko informazio transmisioa ere hobetu egin da.Antolakundeek datuak ezagutzen, kudeatzen eta ustiatzen dakizkiten langileak behar dituzte.

“SmartIndustry 4.0” txostenaren laugarren edizioak aurreko edizioek darabilten analisi teknologikoko prozesu bera aplikatzen du.Txosten honen helburu nagusia da enpresei laguntzea aukera berriak identifikatzen, autoebaluazio bat eginaz4.0 Industriaren paradigma berriekiko duten heldutasun-mailaren inguruan.

Bestalde, espazio bat eskaini dio pandemiari buruzko analisiari, non bereziki nabarmendu baitu COVID-19ak gure industrietan izan duen inpaktua.Gainera, atal horretan aztertu du nola pandemiak lagundu duen enpresen eraldaketa digitala azkartzen eta enpresek nola egin dioten aurre telelanaren politikari.

observatorioindustria.org