Torontoko moilaren inguruko Quayside gunea proba-zentro bihurtuko da inoiz ikusi gabeko auzo batentzat.

Berrikuntza, makro-datuak, konektagarritasun handia eta adimen artifiziala erabiliko dira 4,8 hektareako azalera batean, baina helburua dabertan behera utzitako gune industrialhorren 325 hektareak barne hartzea.

Proiektuaren atzean Sidewalk Labs dago, Alphabet enpresaren (Googleren matrize konpainia) hiri-berrikuntzako konpainia. 50 milioi dolarreko inbertsioa egin du plan zehatz bat egiteko, zeina argitara aterako baita 2019aren hasieran. Eta lehen auzotarrak instalatzeko moduan egongo dira 2022an.

Sidewalk Labs enpresaren planen arabera, saltokiak, bulegoak, apartamenduak eta parkeak egongo dira Quayside auzoan.Joan-etorriak bizikletaz edo gidatze autonomoko ibilgailu elektrikoetan egingo dira, eta bidegorriak nahiz kaleak tamainaz aldatu ahal izango dira trafikoaren egoeraren arabera.Ibilgailu fluxuaz gain, auzoan instalatutako milaka sentsorek informazioa emango dute ur eta argindar kontsumoari buruz, aparkalekuak administratuko dituzte eta auzotarren identitatea detektatuko dute ordainketak egiteko edo,besteak beste, askotariko zerbitzuak eskuratzeko.Gainera, auzoak abiadura handieneko Interneta izango du eta eredu informatiko bateratu bat ere bai.

elpais.com