Hona hemen The Conversetionek argitaratutako artikuluan aipatzen diren zenbait adibide:

• Organo artifizial berriak
• Gorputzean jarritakoan, xurgatu egiten diren eta, aldi berean, hezurra birsortzen duten inplanteak
• Nanomaterialen bidez egiten diren eta memoria handiagoa duten bateriak
• Harikorrak, gogorrak eta, aldi berean, funtzio anitzekoak diren materialak
• Materialaren barruko arkitektura manipulatzean lortutako metamaterialak eta aurreikusi ezin diren ezaugarri mekanikoak

Une honetan, materialen garapen guztiek oinarrizko hiru zutabe dituzte: fabrikaziorako teknika berriak (bertan, garrantzi berezia izango du 3Dko inprimaketak), AAren agerpena eta garapen guztietan jasangarritasuna nahiz lehengaien erabilera eraginkorra kontuan hartzeko premia.

Edozein garapenetarako, oso kontuan hartu beharra dago zer metal dauden eskuragarri planetan bertan. Horrez gain, lehen kontuan hartzen ez ziren askoz ere diseinu-irizpide gehiago hartu beharko dira kontuan. Esate baterako, gogortasuna areagotu nahi izanez gero, harikortasunaren lepotik lortzen zen, eta ez zen kontuan hartzen material berberak hainbat eta hainbat funtzio eduki zitzakeela.

Hori guztia dela eta, XXI. mende honetan, aldaeren konbinazioen kopurua ezin handiagoa da. Beraz, AA hortxe bertan sartzen da guzti-guztia edo ia-ia guztia egia bihurtu ahal izateko.

theconversesion.com