Saudi Arabia hainbat eta hainbat proiektutan dago murgilduta. Haietako batek garbi samarrak diren garraiobideak,gaur egun darabiltzagunak baino askoz ere garbiagoak direnak, behintzat, bilatzea du helburu. Hori dela eta, zenbait garraiobidetan ari dira lanean, trenetan, esaterako, oraindik ere garraioaren oinarria direlako hiri handietan eta, oro har, errazagoa delako beste ibilgailu batzuek, hegazkinek, esaterako, baino energia garbiagoak erabili ditzaten lortzea.

Horregatik, erabat hidrogenozkoa den trena sortzeko ari dira lanean. Horren ondorioz, ibilgailua ez litzateke inolaz ere kutsagarria izango, eta lurrunezko edo dieselezko tren-makinei aurre egitea lortuko litzateke, baita tren-makina elektrikoei ere, nahiz eta energiaren aldetik askoz ere eraginkorragoak direneta zuzenean kutsatzen ez duten, berriztagarriak ez diren edo oso-oso kutsagarriak diren energiak erabili ditzaketelako elektrizitate hori lortzeko orduan.

Nola lortu dute? Hasiera batean, badirudi erraza dela, baina, egia esan, ezin konta ahala ordu sartu dituzte berrikuntzan nahiz garapenean, hori lortu ahal izateko. Funtsean, tren hori elektrikoa bada ere, energia hori ez du kanpoko iturrietatik lortzen, motor elektrikoan doan hidrogenozko pilaren bidez baizik. Pila horrek elikatu egiten duenez, garraioa garbia da erabat, hau da, garraiobide horrek ez du ezertxo ere kutsatzen, Alstomek adierazitakoaren arabera.

lavanguardia.com