Mundu osoko hiritarrek erosten, ikasten eta lan egiten dute pantaila baten bidez, eta 2022an are gehiago haziko da eszenatoki berri horri erantzungo dioten profil teknologikoen eskaera.

Errealitate areagotuak

Errealitate areagotuak iraultza teknologiko bat dira, eta softwarea sortzeko modua eraldatu dezakete: errealitate birtuala erabiltzea aplikazio psikologikoetan; entrenamendu industrial eta profesionalerako entrenamendu formatuak; ospitale, marketin, publizitate, aisialdi edo hezkuntzarako laguntzaileak; edo errealitate mistoa baliatzea 4.0 Industrian, prestakuntza militarrean edo entrenamendu kirurgikoan.

Biki digitalak

Biki digital batek aukera ematen du sistema fisiko konplexu baten (makineria industriala, biomolekulak edo giza gorputzeko organoak) portaera simulatzeko ordenagailu baten bidez.Hala, posible da arriskurik gabe esperimentatzea.Biki digitalakmetabertsoko izarretako bat izango dira, eta errealismoa eta sinesgarritasuna eskainiko dute.

Web3

Web3 kontzeptua indar asko hartzen ari da azken hilabeteotan.Sare deszentralizatu baten proposamena da, non erabiltzaileak euren datuen jabe baitira eta modu banatuan partekatzen baitituzte Blockchain sistema erabiliz (kriptotxanponen eta NFT edo non-fungible token direlakoen oinarrian dagoen sistema).

GameFinance (GameFi)

Kriptotxanponen munduko kontzeptu bat da, hiru elementu konbinatuz sortu dena: finantza deszentralizatuak (DeFi), Blockchain jokoak (play to earn) eta token ez suntsikorrak (NFT).Aukera ematen die erabiltzaileei dirua irabazteko jokoaren bidez, eta gainera, erabiltzaileak mantendu egiten du jokoan sortzen eta erabiltzen diren objektu digitalen jabetzaBlockchain teknologiaren bitartez.

Adimen Artifiziala

Irudien errekonozimendurako sistemak egunero erabiltzen dira industriaren edo administrazioaren hainbat arlotan, eta aurreikusten da 2022an aurrerapauso handi bat emango dela denbora errealeko bat-bateko ahots-ahots itzulpenean.

Ransomware eraso sofistikatuak

Enpresek ulertu behar dute ransomware (bahiketa digitala) eraso batek kalte ekonomiko larriak eragin ditzakeela.Bestalde, 2021ean erakunde publikoak egon dira gehienbat horrelako delituen miran, administrazioen barne prozedurek eragotzi egiten dutelako bertsioak behar besteko abiaduran eguneratzea.Erasoak jasaten jarraituko dugu, baina eraso horiek saihesteko bideak hobetuko ditugu.

lavanguardia.com