Zehazki, Europak hainbat helburu ezarri ditu 2030erako: pertsona heldu guztien gutxienez % 80k oinarrizko gaitasun digitalak izan ditzatela, eta IKTen arloko hogei milioi espezialista egon daitezela EBn, emakume gehiago bideratuz horrelako lanetara.

Azpiegitura teknologikoei dagokienez, EBko etxe guztiek gigabit bateko konektagarritasuna izan behar lukete eta biztanleria-gune guztiek jaso behar lukete 5G sareen zerbitzua; puntako erdi-eroale jasangarrien produkzioak munduko produkzioaren % 20ra iritsi behar luke Europan (egungoaren bikoitza); hamar mila kanpo-nodo oso seguru eta klimatikoki neutro hedatu behar lirateke EBn; eta Europak bere lehen ordenagailu kuantikoa izan behar luke.

Halaber, lau enpresatik hiruk lainoko konputazio zerbitzuak, makro-datuak eta adimen artifiziala erabili behar lituzkete; ETEen % 90 baino gehiagok intentsitate digitaleko oinarrizko maila izan behar lukete gutxienez; eta EBko startup kopurua bikoiztu egin behar litzateke.

Azkenik, Batzordeak 2030erako markatutako helburuen arabera, oinarrizko zerbitzu publiko guztiak online erabili beharko lirateke; herritar guztiek izan behar lukete beren historial mediko elektronikoa eskuratzeko aukera; eta herritarren % 80k identifikaziorako konponbide elektroniko bat erabili behar lukete.Europak urtero berrikusiko ditu adierazle horiek eta proiektuen artikulazioa, eta posible izango da guztia berbideratzea estatu kide desberdinekin lankidetzan.

revistabyte.es