ThyssenKrup ingeniaritza enpresa alemanak 2014an plazaratutako Maglev igogailuaren ideiak halako sinesgaiztasun eta zirrara bat sortu zuen. Orain, hiru urte geroago, ThyssenKrup-ek lehenengoz probatu du teknologia hori jendaurrean, Rottweil hiriko (Alemania) igogailuen esperimentazio dorre batean.

Multi izeneko igogailu horrek ez du erabiltzen inolako kablerik. Motor lineal baten funtzioa betetzen duten erreietatik mugitzen da, eta eremu magnetikoak erabiltzen ditu kabinak azkarrago ibil daitezen ibilbidean. Kabina solairu batean gelditzen denean, erreiek bira eman dezakete eta ezkerrerantz edo eskuinerantz mugitu, gorantz edo beherantz jarraitu beharrean.

ThyssenKrup enpresak bata bestearen ondoan kokatutako hainbat zuloko sistema bat produzitu nahi du, halako moldez non softwareak ibilbideak planifikatuko baititu kabinak zuloz zulo aldatzeko, ilarak saihestuz eta denbora aurreztuz erabiltzaileentzat.
Motor linealaren teknologiak konpondu lezake baita ere etxe-orratzek izan ohi duten arazo larrienetako bat.

technologyreview.es