Gidaketaren elektrifikazioa eta automatizazioa ere protagonista izango dira sektore honetan

Etorkizuneko gidaketa autonomoaren aurreko urrats bezala, ibilgailuak badabiltza kamera eta sentsorez hornitzen, inguruan gertatzen den guztia detektatzeko. Kamioi komertzialen merkatuan, adibidez, ZP lente bikoitzeko kamera dual bat garatu dute hainbat funtziorekin, funtzio horien bidez posible izan dadin, adibidez, karrilez aldatzea, ibilgailua automatikoki gelditzea arriskua badago, edo trafikoko seinaleak errekonozitzea. Gainera, aukera dago kamera hori gidatzen laguntzen duten beste teknologia batzuekin (ADAS) konbinatzeko, eta horrela segurtasun eta eraginkortasun handiagoak lortzeko distantzia luzeko garraioan.

Bestalde, ibilgailu industrialen arloan bada beste nobedade garrantzitsu bat, elektrifikazio maila handiko kamioi eta autobusen garapena hain zuzen. Ibilgailu hibrido eta elektrikoen funtzioak ugaritzen ari direnez, beharrezkoak dira haien neurrira eginiko konponbideak ere. Ildo horretatik, adibidez, Valeo enpresak guztiz elektrifikatutako aire girotuko sistema bat garatu du, bero-punpa sistemekin hornitu daitekeena.

infotaller.tv