Konpainia horrek hasieratik hartu zuen bere gain itsasontzi honen barnealdea diseinatzeko proiektua. “Norwegian Gannet” erreferente bihurtuko da Europa Iparraldeko akuikultura sektorean, batik bat logistika eta energia arloetan dakartzan berrikuntzengatik, baina baita ere nazioarteko estandar berri bat markatuko duelako laneko itsasontzien esparruan, erosotasun-maila handia erdietsi baitu bere tripulazioarentzat.

Proiektu aitzindaria da, ezaugarri oso bereziak dituena eta helburutzat duena akuikultura kontzeptu berri bati erantzutea, diseinu hobeak eta eraginkorragoak bilatuz operazioen kostuak murrizteko eta ahalik eta inpaktu txikiena eragiteko ingurumenean.

Premisa horiei jarraiki, itsasontzi hau gai da arrain-haztegietan hazitako izokina prozesatu, hoztu eta garraiatzeko Norvegia mendebaldeko itsasertzetik Hirtshals (Danimarka) hiriko porturaino, non sailkatu eta ontziratu egingo baita. Hala, nabarmen murrizten dira operazioaren kostua, merkaturatzeko behar den denbora eta operazioaren karbono-aztarna.

Itsasontziaren entrega bakoitzarekin 50 bat trailerren bidaiak saihesten dira, eta Finlandiako Wärtsilä konpainiaren propultsio-sistema hibridoa darabilenez (baterietan oinarritutako diesel motorra, mota honetako lehena mundu osoan), asko murrizten dira prozesu osoarekin lotutako isuriak.

youtube.com