Iruditzen zaigu transferentzia bidezko aldi-baterako tatuajeak (kalkomaniak) haurtzaroko kontua direla, baina erabiltzen dira diseinu industrialaren munduan. Teknologia oso sinplea da: etizelulosazko polimero fin bat baino ez da, paperezko orri bati itsatsia uretan edo dextrinatan disolbatzen den almidoi geruza batekin. Urez bustitzean geruza hori disolbatu egiten da, eta etizelulosazko orria gizakiaren azalari edo beste objektu batzuei itsasten zaie.

Teknologia hori inspiratzailea izan da Giorgio Bonacchini ikerlariak Italiako Teknologia Institutuan (IIT), Genevan (Italia) zuzentzen duen ikerketa taldearentzat. Lantaldeak osagai elektroniko organikoak inprimatu ditu kalkomania-paperean, eta horrela sortu diren zirkuituen propietateak egiaztatu ditu. Izan ere, lortu dute zirkuitu horiek objektu jangarrietara transferitzea, adibidez botiketara edo fruta zatietara.

technologyreview.es