NORABIDEA berrikuntzak Bizkaiko enpresetan duen garrantziari eta enpresek harekiko duten jarrerari buruzko ikerketa bat da. Informazioa eskuratzeko ad-hoc prestatutako merkatu azterketa bat egiten da, erakundean bertan eginiko galdetegi bat oinarri hartuta.

2019ko azterlanean 6 eta 100 langile bitarteko 1.915 enpresa inkestatu dira. Kontsultatutako enpresetatik 521ek esan dute enpresa esportatzaileak direla, eta haien datuak erabili dira txosten hau egiteko.

Bestalde, aldea dago azken hiru urteetan (2015, 2016 eta 2017) berritu duten enpresa berritzaileen eta guztizko enpresen portzentajeen artean: % 62,6koa eta % 45,9koa hurrenez hurren.

Inkestari erantzun dioten eta berrikuntza jardueraren bat egin duten enpresa esportatzaileen % 33,9k neurtu eta zehaztu egin dute fakturazioaren zein portzentaje datorren inplementatu dituzten berrikuntzetatik. Erdiak baino gehiagok (% 52,7) adierazi du igurikapenak “nahikoa” bete zaizkiela, finkatutako helburuetako asko bete direlako, eta % 12,4k uste du erabateko arrakasta izan dela. Enpresa guztiak kontuan hartuz gero, portzentajea askoz baxuagoa da: % 27,4.

Berrikuntzaren esperientziak balantze positiboa du inkestari erantzun dioten enpresa esportatzaile gehienentzat. Elkarrizketatutako enpresa esportatzaileen %65,1ek baieztatu dute inplementatutako berrikuntzek guztiz edo nabarmen bete dituztela finkatutako helburuak (portzentaje hori txikiagoa da enpresa guztiak kontuan hartuz gero: % 62,1).

Kontsultatutako enpresa esportatzaile gehienek etengabe berritzen dute, ekonomi eta finantza testuingurua gorabehera, eta etorkizunerako aurreikuspenei dagokionez, aipatu dute asmoa dela jarduera mantentzea eta zenbait kasutan helburu handiagoak finkatzea, batik bat produktu edo zerbitzuen, prozesuen eta marketin eta merkaturatzearen berrikuntza arloetan.

Txostenak beste alderdi batzuk ere aztertzen ditu:

• Zein arlotan berritzen duten enpresek
• Laguntza publikoak
• Jarduera berritzailearen eraginak
• Giza kapitala eta ezagutzaren kudeaketa
• Berrikuntza babesteko metodoak
• Lankidetza, berrikuntzarako sarbidea

Txostena: Berrikuntza Bizkaiko enpresa esportatzaileetan

Txostena: norabidea 2019