Eraldaketa horrek, eta gero eta lehiakorragoa izango den panoramak, ondorio ugari izango ditu manufaktura industrian, zeinak gero eta hobeto ulertzen baitu ezinbestekoa dela gehiago inbertitzea produkzio-kateetako digitalizazio eta integrazio prozesuetan.Baina ibilbide-orri bat, hots, Eraldaketa Digitaleko Plan bat behar da produkzio-prozesu malgu, eskalagarri eta optimizatuagoak izango dituzten benetako lantegi digitalak lortzeko.

Hona hemen 4.0 Industrian inbertitu nahi duen fabrikatzaile orok kontuan hartu behar duen funtsezko alderdi bat: ebaluatu behar du zein teknologia den aproposena bere helburuak lortzeko eta bere ROI hobetzeko.

Artikulu honen asmoa da automobilgintzako Eraldaketa Digitaleko Plan baten giltzarriak ematea, oinarritzat hartuz erreferentziazko fabrikatzaileen kasu arrakastatsuak, eurak direlako produktuaren bizi-zikloko ingeniaritza eta berrikuntzako konponbideen hornitzaileak.

4.0 Industriak askotariko teknologiak eskaintzen ditu, baina denak ez datoz bat enpresaren behar estrategikoekin.Lehenik eta behin, helburua eta estrategia ezagutu behar dira, ebaluatzeko eta aukeratzeko zein den haiekin bat etorriko den teknologia aproposena.Hona hemen aldez aurretik aztertu eta bezeroen prozesuetan ezarri ohi diren proposamen teknologikoak:

• Produkzio-prozesuaren sentsorizazioaIIoT teknologia baliatuz.
• Produkzio-lantegiaren digitalizazioa.
• Barne-logistikaren simulazioa.
• Kobotak aplikatzea eskuz garatzen diren prozesuetan.
• Zelula robotizatuen simulazioa.
• Data Analytics aplikazioak, besteak beste, eraginkortasun operazionala lortzeko.

Halaber, plan bat izatea lagungarri da bezeroari azaltzeko zein balio eskainiko dion teknologia berriak bere negozioari, beti ere kontuan hartuz egin beharreko inbertsioa.Gainera, ongi zehaztu eta aztertutako ibilbide-orri bat izanik denbora eta diru gutxiago gastatzen da, bestela proba-akatseko entseguak egin beharko lirateke eta.Alderdi horiek guztiak funtsezkoak dira bezeroek lasaitasunez eta irmoki ekin diezaioten bide honi.

interempresas.net