Gidatzean egin dezakegun maniobra arriskutsuenetako bat da autoa biratzea kontrako norabidean doan trafikoaren erreiak gurutzatzeko, eta egunero egiten dugu hori. Toyota enpresako ikerlariek uste dute egoera horietan aingeru guardako batek, hau da, autoan integratutako software batek bizitzak salba ditzakeela.

Estatu Batuetako proba-zelai pribatu batean egin dituzten entseguetan, Toyotaenpresak ezkerreranzko biraketak egin ditu lehenbizi "Guardian" izeneko sistemaren kontzeptua probatzeko. Sistema horrek ebazten du gizakia akats arriskutsu bat egiteko zorian dagoen ala ez.

Radarrak eta autoaren kanpoaldean kokatutako beste sentsore batzuek monitorizatzen dute ibilgailuaren inguruan gertatzen dena, eta barneko kamerek, berriz, buruaren mugimenduak eta gidariaren ikusmena jarraitzen dute. Softwareak sentsoreak erabiltzen ditu erabakitzeko pertsona batek laguntza behar duen egoera arriskutsu bat detektatu edo saihesteko edo gai den bere kabuz moldatzeko.

technologyreview.es