CES 2022 ekitaldian aurkeztuko dira autoen parte izango diren hainbat nobedade, horregatik, aukera paregabea izango da berrikuntza horiek sakonki ezagutzeko.Aurrerapen txiki modura, zertxobait iragarri liteke azoka hasteko astebete eskas falta den honetan:

1 - Continental Wrong Way Drive

Continental Automotive enpresa teknologikoak Wrong Way Drive sistema aurkeztuko du Las Vegasen.Horretarako simulagailu bat baliatuko du, zeinetan erabiltzaileak bolantea gidatuko baitu eta sistemak autonomoki funtzionatuko baitu kontrako norabidean datozen ibilgailuez abisatzeko.

2 - Hyundai enpresaren robotika

Hyundaik modulu robotikoen PnD (Plug & Drive) plataforma bat aurkeztuko du, “Gauzen Mugikortasun” (GM) kontzeptu berrian oinarritzen dena. Plataforma horren helburua da mugikortasuna ematea edozein elementuri, hasi tradizionalki bizigabeak izan diren objektuetatik eta espazio komunitarioetaraino.

3 - Bosch Virtual Visor

Bosch konpainiak eguzkitako birtual bat garatu du gidariarentzat. LED pantaila oso fin bat da, erabat gardena, zeinak eguzkiaren edo autoen faroen argiak gidariaren ikusmenean duen eragina murrizten baitu.

4 - Bosch Advanced Driving Module

Modulu harmonizatu batean bildutako propultsio, norabide eta balaztatze sistema integratu bat da.Interfaze sinplifikatuei eta software-arkitektura koherente bati esker konplexutasuna murrizten da eta osagaien arteko komunikazio optimizatua bermatzen da.

Bosch konpainiaren arabera, sistema horrekiko interesa agertzen duten markek milaka milioi aurreztu ahal izango dituzte modelo jasangarriagoen garapenean.

5 - Magnetti Marelli Sensor Light & Dyna View

Marelli enpresak radar integratu batez eta argiztatutako aurreko panel batez hornitutako faro bat aurkeztuko du. Merkatuan lider den fabrikatzaile aleman batentzat garatu du eta, argiztapen elementuei dagokienez, abiapuntu aparta izango da ibilgailu elektrikoen sektorean.

infobae.com