Txosten horrek aztergai ditu sektore guztietako 500 enpresa iparramerikar eta, lehenik eta behin, tamainaren arabera ordenatzen ditu (fakturazioa).Ondoren, inkesta bana egiten die 500 enpresa horietako zuzendari nagusiei Berrikuntza Teknologikoarekin lotutako hainbat faktoreri buruz (aterki kontzeptua, zeinaren barruan kokatzen baita Digitalizazioa), eta informazio horretatik abiatuta parametroen araberako hainbat sailkapen egiten dira.

Lehen 50 enpresen artean 31 teknologia sektorekoak dira: “Technology Hardware &Equipment”, “Software &Services”, “Media &EntertainmentTechnology” edo sektore teknologiko erraldoiaren barruan aurki daitekeen beste edozein segmentutakoak.

Kontuan izan behar da sailkapen hau Estatu Batuetan egiten dela eta aholkularitza iparramerikar batek (BCG) egiten duela, baina lehen 50 enpresa handi berritzaileenen artean (teknologikoki eta digitalki) beste nazionalitate batzuk ere badaude. Halere, sorpresa gutxi: bigarren nazionalitate garrantzitsuena txinatarra da.Txinako teknologia sektorea AEBetakoan inspiratu zen bere sorreran, bai hardwarean eta bai sare sozialen arloan. Gainera, IKTen arloko eta arlo digitaleko enpresa handiak ditu, besteak beste, Huawei, Tencent, AlibabaGroup, Byte-Dance (TikTok), Xiaomi, etab.

Eta hirugarren tokian enpresa europarrak ageri dira.

Lehen laurak Big-Tech segmentukoak (Apple, Microsoft, Amazon eta Alphabet-Google) eta iparramerikarrak dira.8. postuan dago Moderna, ospetsu egin dena COVIDaren aurkako txerto bat “sortzeagatik” errekorreko denboran.

Espainiako puntako enpresak ageri dira Munduko 500 Enpresa Berritzaileenen 2022ko sailkapenean,baina ez dira sartu lehen 50 postuetan. Horietako bat da TelefónicaTech, belaunaldi berriko teknologiak (cloud, zibersegurtasuna, big data, AA, gauzen Internet, etab.) integratzen dituena Europa eta Latinoamerikako enpresen eta sektore publikoaren eraldaketa digitalerako.Aipatzekoa da orobatCellnexTelecom, Europako liderra haririk gabeko telekomunikazio-azpiegituren kudeaketan eta 5G teknologiaren hedapenean.

ituser.es