Accenture agentziaren arabera, hauek dira berrikuntza batek bete behar dituen baldintzak, arrakasta izango badu. “Berrikuntza ezinbestekoa da arrakasta izateko. Interneten lehen oldeak sarea eraiki zuen 1985-99 bitartean eta bigarrenak (2000-2015) sakelakoen eta aplikazioen iraultza ekarri zuen zurrunbiloaren erdigunera; 2016. urtean abiatutako hirugarren aroa Gauza guztien Internetena da eta aukera argi bat dakar berekin: berrikuntza. Lehiakideek baino lehen ikusi behar dira aukerak eta orain berritzea da aukera handiena”. Halaxe dio Howard Yu-k, IMD Business School-eko Management eta berrikuntzako irakasleak, Accenture agentziak Bartzelonan duen egoitzan eginiko Business Innovation Now jardunaldian.

Baina ez gara ari berrikuntza teknologikoaz bakarrik. Garrantzitsuagoa baita teknologiaz harago doan berrikuntza, benetan kontsumitzaileak zer nahi duen aztertzen duena. Hala, munduko 500 antolakunde aberatsenek inbertsioa erakartzea lortu dute 1975etik, jakin dutelako balioa eman behar zaiela ez bakarrik ukigarri klasikoei (teknologia, higiezinak), baina baita ere ondasun ukiezinei (giza-kapitala, datuak), betiere kontsumitzailearen premien arabera. Berrikuntzan dibertsifikatzen jakin behar da.

lavanguardia.com