Proiektu horiek ideia eta konponbide merkeak izan daitezke herrialde askorentzat, eta, neurri batean, Kanadako gobernuak Grand Challenges Canada (GCC) ekimenaren bidez munduko osasun arloan eginiko 10 urteko inbertsioen emaitza dira.

Orain proiektu horien bidez oinarrizko baliabideak, ideiak eta konponbideak eskaintzen zaizkie baliabide gutxiko herrialdeei, zeintzuek premia larria baitute bertan eginiko produktu eta zerbitzu merkeak erosteko, hala nola, ospitaleetarako oxigenoa, arnasgailuak eta horiei buruzko gaikuntza, norbere babeserako ekipoak osasun arloko langileentzat eta informazioa, hori dena ezinbestekoa baita bizitzak salbatzeko irisgaitzak diren herrietan.

20 konponbide horien berritzaileak 11 herrialdetakoak dira: Kenya, Uganda, Tanzania, Hegoafrika, Brasil, India, Bangladesh, Kanbodia, Australia, Kanada eta Estatu Batuetakoak, eta baliabide gutxiko zonaldeetan lan egiten dute Afrikan eta harago, hasi Amazonasetik eta Himalaiaraino.

Lau proiekturen xedea da erabilera medikorako oxigenoa ematea, beste birena bateria lagungarri batez hornitutako arnasgailu erresistenteak ekoiztea, beste batek bere negozioa aldatu du, eta hala, toaila sanitario merkeak egitetik kostu baxuko maskarak egitera igaro da, beste bik diagnostiko / irudi ekipo berritzaileak eskaintzen dituzte, zazpik pazientearen urruneko arreta, jarraipena eta oinarrizko produktuen entrega ahalbidetzen dute, batek laguntza eskaintzen du osasun mentaleko arreta emateko, bik ur segurua, saneamendua eta higienea eskaintzen dute eta azken batek etxeko hezkuntza bultzatzen du.

elpais.cr