2017ko uztailean aurkeztu zen ofizialki aliantza hori, zeina utopia bat izango zen iraultza digitalaren aurreko sasoian.

Payment Innovation Hub (Barcelona Tech City gunean kokaturik dagoena), abiapuntu disruptibo bat da, non ulertu baitute konponbide teknologikoen arloko joera kolaboratiboa eta transbertsaltasuna eguneroko ogia direla paradigma berri honetan.

Teknologia biometrikoak, Gauzen Internet, blockchain, machine learning… Hub honetan martxan jarritako berrikuntzek erabiltzaileen espektatibak eta premiak lehenesten dituzte bestelako irizpideen gainetik, eta lau ardatz nagusi hartzen dituzte kontuan: cashless guneak, ordainketa ikusezinak, fintech ingurunea eta auto konektatua.

Zortzi laguneko lantalde finko bat lanean ari da “egoiliar” moduan hub horretan, non produktu eta zerbitzu berriak garatzen dituzten onartutako proiektu bakoitzean inplikatutako partner-ekin batera. Gunearen filosofiak malgutasuna du oinarri eta hainbat funtzio betetzen ditu: showcase baten modukoa da, non posible den lehen eskutik probatzea konponbide horiek (batzuk oraindik merkatura irten aurreko work in progress fasean daudenak); ekitaldiak eta tailerrak ostatatzen ditu; aukera ematen du ordainketa-ingurune berriak izango dituen ondorioak eztabaidatzeko eskala sektorialean; eta toki aparta da arintasunez lan egiteko, fintech-ek eta tradizioaren ateak eraitsi dituzten beste eragile batzuek inposatutako erritmo eroan.

innovaspain.com