Plan estrategikoak lau orientazio estrategiko ezartzen ditu datozen lau urteetan Horizontea Europa programaren esparruan egingo diren ikerketa eta berrikuntzako inbertsioentzat:

• Autonomia estrategiko ireki bat sustatzea, lider izanik funtsezkotzat jotzen diren teknologia, sektore zein balio-kate digital, bideratzaile eta gorakorren garapenean.
• Europako ekosistemak eta bio-aniztasuna berrezartzea, eta baliabide naturalak modu jasangarrian kudeatzea.
• Europa izan dadila teknologia digitalean oinarritutako lehen ekonomia zirkular, klimatikoki neutro eta jasangarria.
• Gizarte erresiliente, inklusibo eta demokratikoago bat sortzeaEuropan.

Lau orientazio horiek nazioarteko lankidetzan oinarritzen dira, zeina funtsezkoa baita mundu mailako erronka askori aurre egiteko.

Plan estrategiko horrek orobat identifikatzen ditu ko-finantzatutako eta ko-programatutako Europako elkarteak eta Horizontea Europa programaren bitartez laguntza jaso behar luketen EBren misioak.

Horizontea Europa programaren plan estrategikoan ezarritako lehentasunak Horizontea Europa lan-programaren bitartez aplikatuko dira.Azken horrek finantzaketa-aukerak eskaintzen ditu ikerketa eta berrikuntzako jardueretarako, proposamenen eta gaien deialdi tematikoen bitartez.Proposamenak aurkezteko lehen deialdiak 2021eko udaberrian argitaratuko dira eta ekainaren 23 eta 24an egingo diren Europako Ikerketa eta Berrikuntzako Jardunaldietan aurkeztuko dira.

ec.europa.eu