Europar Batasuneko (EB) berrikuntzaren emaitzek erakusten dute etengabe hazi dela 2016 osoan zehar, baina Europako Batzordeak (EB) azpimarratu du aurrerapen-maila desberdina dagoela Estatu kideen artean, gaur bertan argitaratu den azken adierazlearen arabera.

Suedia da berrikuntzako liderra EBn, baina Lituania, Malta, Holanda, Austria eta Erresuma Batua dira azkarren hazten ari diren estatuak, EBko exekutiboak argitaratutako datuaren arabera.

Ikuspegi globala kontuan hartuta, EB ia iritsi da Kanada eta Estatu Batuen mailara, baina urrun dago Hego Korea eta Japoniatik berrikuntzaren errendimenduari erreparatuz gero.

Elzbieta Bienkowska-k, Ekintzailetza eta ETEen komisarioak, adierazi du EBko industriak ?berritzen jarraitzen duela?, nahiz eta ?atzeratuta geratu garen? esparru horretako lider globalekin alderatuta.
?Globalizazioaren eta aldaketa teknologiko azkarren garai honetan, berrikuntza funtsezkoa da gure hiritarren eta Europako ekonomiaren oparotasuna bermatzeko? gaineratu du.
Bestalde, Carlos Moedasek, Ikerketa eta Berrikuntzako komisarioak, hauxe adierazi du emaitzak ikusi ondoren: ?oraindik gehiago egin daiteke? hobetzeko. Horregatik, dagoeneko hasiak dira prestatzen berritzailerik ?arrakastatsuenei? laguntzeko.
Suediaz gain, Danimarka eta Finlandia izan ziren EBko herrialde berritzaileenak; ilarako azken postuan kokatu ziren, berriz, Errumania eta Bulgaria, ?berritzaile apalak? izeneko taldearen barruan.

EBko exekutiboak adierazi du ?asko jaitsi? direla arrisku kapitaleko inbertsioak eta ETEek berrikuntzen aurkezpenetan izan duten parte-hartzea. Dena den, espero du berrikuntzaren errendimendua %2 haziko dela datozen bi urteetan.
EBko berrikuntzaren urteko adierazleari esker posible da konparaketa bat egitea Batasuneko herrialdeetako ikerketa eta berrikuntzako emaitzekin, bai eta beste herrialde batzuetako emaitzekin ere.

ec.europa.eu