Guzti-guztiak gainerako 14 herrialde parte-hartzaileetako 562tik gora erakunderekin lehiatu dira, eta, emandako 24 aintzatespenetatik, sei eraman dituzte.

Euskalitek 2015. urtetik esku hartzen du lehiaketa horretan, eta erakunde zein herrialde parte-hartzaileen lehiakortasuna honako fase hauen bidez areagotzen laguntzea dauka xede: tokian tokikoa eta nazioartekoa.

Tokian tokiko faserako, Euskaliteko Kudeaketa Aurreratuko Ebaluazio Klubeko 30 laguneko taldeak 40 hautagaitzak ebaluatu zituen, eta Unibasqek, Euskal Unibertsitate Sistemaren Kalitate Agentziak, aukeratutako berrikuntzako adituen taldeak kategoria bakoitzeko finalistak hautatzen lagundu zuen.

Azkenik, Euskaliteko Patronatuko erakundeetako ordezkariek, Innobasquek eta Ihobek, osatutako epaimahaiak euskal faseko hautagaitza irabazleak aukeratu zituen.

Xehatutakoaren arabera, sari hori Finlandian sortu zen, produktuen, prozesuen edo antolakuntzaren inguruko sorrera eta garapena suspertzeko asmoz. Bertan, gainera, beste herrialde batzuek ere parte hartzen dute; esate baterako, Espainia (CEX Elkartearen eta, Euskadin, Euskaliten bidez), Suedia, Txekiar Errepublika, Estonia, Hungaria, Lituania, Letonia, Errusia, Serbia, Txina, India, Israel, Kazajistan eta Afrikako hegoaldeko zenbait herrialde. Gaur egun, Txina dago presidentetzan, eta Euskadik Aholku Batzordean parte hartzen du Euskaliten bidez.

ondavasca.com