NBEk emandako datuen arabera, karbono isurketen % 75 hirietatik dator eta era berean hiriek egiten dute energia-gastu globalaren % 80. Hortaz, ezinbestekoa da konponbide jasangarriak bilatzea, eta Suediak esperientzia handia du horretan.

Suedia izan zen 1967an ingurumena babesteko lege bat onartu zuen lehen herrialdea, eta 1972an bertan egin zen NBEk antolatutako ingurumen globalari buruzko konferentzia.

Gaur egun, 2022ko Stockholm+50 konferentzia prestatzeko lanetan murgilduta dago. Ekitaldi horren helburua da planeta jasangarriago eta osasuntsuago bateranzko eraldaketa azkartzea, herrialde bat bera ere atzean utzi gabe.

Suediak frogatu du jasangarritasuna bateragarria dela hazkunde ekonomikoarekin, eta horixe da bere lorpen handiena. Izan ere, munduko 10 hiri lehiakorrenen artean dago, Europan azkarren hazten den hiria da eta, SilliconValley-ren ondoren, hantxe sortzen dira startup gehien.

eltiempo.com