Aurrerapen bat da bizkarrezurreko lesioen esparruan, aurkikuntza berri bat, zeinak erakusten baitu zientziak eta teknologiak nahi duten tokiraino irits daitezkeela, eta duela urte batzuk pentsa ezinak ziren gauzak egin ditzaketela. Nork esango zukeen horrelako lesio bat zuen pertsona batek gauzak hartuko zituela bere eskuez eta bere kabuz jateko edo edateko gai izango zela?

Aurkikuntza ukigarria da, The Lancet zientzia aldizkarian argitaratutako ikerketa batek erakutsi duen bezala. Ikerketa hori egin duten ikerlari gehienak Clevelandeko (AEBak) Case Western Unibertsitatekoak dira.

Ikerlari horiek neuro-protesi bat garatu dute, zeinak garuna eta giharrak konektatzen baititu, aukera emanaz pertsonari besoekin eta eskuekin mugimenduak egiteko. Dokumentuak dioenez, sistema honek garunaren mezuak dekodetzen ditu, eta besoetan kokatutako sentsoreei transmititzen dizkie. Ikerketa honetako prozedura medikoak University Hospitals of Cleveland zentroan egin ziren, eta datuen azterketa eta analisia, berriz, Case Western Reserve Unibertsitatean eta Cleveland Veterans Affairs Medical Center zentroan.

elmundo.es