Toyota eta Symbio Robotics konpainien arteko lankidetzak argi uzten du ez dagoela teknologia autonomo guztiak zalantzan jarri beharrik: adimen artifizialaz hornitutako robotak biziki garrantzitsuak izango dira datozen urteetan ibilgailu elektrikoak ekoizteko.

SymbioDCS software berriak Adimen Artifizialeko (AA) algoritmoak inplementatzen ditu, halako moldez non robotek ikasi egiten baitute lan egiten duten bitartean, gero eta produktiboago eta efizienteago bihurtzen direlarik.Automobilak ekoizteko lineetan erabili izan diren robot industrial gehienek parametro zehatz batzuen barruan bakarrik funtziona zezaketen, eta horrek zaildu egiten zuen produktu berriei egokitzea.

Orain Toyota-k Symbio Robotics enpresaren softwarea baliatzen du bere mihiztatze-lineetako ekoizpena azkartzeko eta, aldi berean, prozesuaren kalitatea eta efizientzia hobetzeko.

Robotek euren lana egokitzen dute martxan dauden bitartean, gai direlako euren akatsetatik ikasteko eta akats horiek berriz ez egiteko.

Robot batek zeregin bat bukatzen duen bakoitzean bere lanari buruzko informazioa jasotzen du, hurrengo zereginean aplikatzen du eta gainerakoekin partekatzen du.

hibridosyelectricos.com