Horren adibide dugu Ipar Amerikako Michigan estatuko ekimena, non proposatu baitzenautobide bat eraikitzea ibilgailu autonomoek bakarrik erabil dezaten.Michiganek bazkide estrategikotzat izango du Cavnue, Googleren matrizea den Alphabet enpresarekin erlazionatuta dagoena.

Sektore publikoaren eta pribatuaren arteko aliantza honek helburutzat du 64 kilometro inguruko (40 milia) korridore bat eraikitzea, elkarrekin lotzeko Detroit hirigunea eta AnnArbor hiria.Horrez gain, beste lotura batzuk ere egingo dira tokiko hainbat jomugarekin, esaterako, Michiganeko Unibertsitatearekin, Detroiteko Metropoli Aireportuarekin eta Michiganeko Geltoki Zentralarekin.

Proiektuaren lehen fasean -kalkuluen arabera bi urte iraun ditzakeena-, Cavnue enpresak balizko teknologiak eta errepideen diseinuak probatuko ditu, eta arlo hori esploratzen ari diren beste konpainia batzuekin lan egingo du, hala nola, Waymo-rekin (Alphabet konpainiaren enpresa subsidiarioa) eta aski ezagunak diren beste batzuekin: Ford, GeneralMotors, BMW eta Toyota.

Cavnue konpainiak Michiganen garatuko duen lanak hainbat aurrekariezar ditzake maila tekniko eta legalean.Aurrekaririk gabeko ekimena denez, baliteke esperientzia honek hainbat estandar definitzea beste toki batzuetan egingo diren errepide autonomoetan erabiltzeko.

wwwhatsnew.com