Toyota-ksentsore eta datuen bidez konektatukoditu pertsonak, eraikinak eta ibilgailuak Woven City hiri adimendunean.Woven City-k hiru abantaila eskatzen dizkio marka japoniarrari: hiri saretu (hots, konektatu) honi esker, Toyota-k erabilpen bat eman ahal izango die lantegi zahar baten lursailei; gainera, bertan ostatatu ahal izango ditu langileak, langile ohiak eta zientzialariak; eta, batik bat, mundu errealean % 100 ustiatu ezin diren teknologiak probatu ahal izango ditu berak kudeatzen duen gune batean. Koronabirusaren krisia gorabehera, planek aurrera jarraitzen badute -eta inork ez du kontrakorik adierazi momentuz-, fabrikatzaile japoniarra 2021ean hasiko da bere hiri ideala eraikitzen.

Proiektuak bi zutabe nagusi ditu: jasangarritasuna eta adimen artifiziala. Lehenengoari dagokionez, zurez eginiko eraikinak daude, teilatuetan eguzki-xaflak dituztenak.Energia garbia sortu eta hidrogenozko gelaxkak probatzeko modu bat izango da, zeintzuk,teorian behintzat, gai baitira hiri oso bat elikatzeko. Toyotak uste du hidrogenoa dela “etorkizuneko erregaia”. Hizpide dugun Woven City-z gain, adibide bezala aipa ditzakegu seriean fabrikatzen den Berlina Mirai, laster Madrilen eraikiko den hidrogeno lantegia, edota EnergyObserver itsasontzia, itsasoko uretik abiatuta hidrogenoa sortzen duena.

Adimen artifizialari dagokionez, bestalde, Woven City-k auto autonomoak, robotak eta milaka sentsore izango ditu eraikin eta kaleetan sakabanatuta.Hiriko kaleak hiru multzotan sailkatuko dira: soilik oinezkoentzat direnak, oinezkoentzat eta mugikortasun pertsonaleko ibilgailuentzat izango direnak eta, azkenik, auto autonomoentzako izango direnak.

retina.elpais.com